مجموعة ومــــضاات رهيبة من تجميعي اهداء للـــكل

مجموعة ومــــضاات رهيبة من تجميعي اهداء للـــكل

مو ذنبك حلاتك كل ذنب مابيك
ولكن صوج كلبي الماعرف يصبر
اشكد ردت اكتفي بالنظره الاولى وياك
اغمظ والفصوص من الجفن تطفر
يانظرة براءه اظل براءه وياك
اذا نظراتي جانت بالجلد تحفر


~~~~~~~~~~~~~~~~~



اعيوني ابغير رسمك كرهن الشوف
اوعندي اخلاف عينك مالهن داعي
ولأن بذراعي اشمن ريحتك دوم
تجي ساعات افكر آكل اذراعي

~~~~~~~~~~~~~~~~~~

من اتكلي احبك مو حجي السان
تعال اثبتلي بالله شلون حبيت
لآن اني بمحبتي عندي اثبات
اذا تنطيني سم انطيك جكليت

~~~~~~~~~~~~~~~~
اجيت إبالي طيف وحرت شحجي وياك
وخفت من نومي افز ومايرد نومي
اكَل لعيوني نامي وأحلم ردود
تكلي الروح كافي من الحلم كومي
لا اعرف صلاتي صرت آني وياك
... وما أكدر امّيز أكلي من صومي
ودوم من العشك ماعندي حظ وياه
مغبونة اشوف من العشك دومي .

~~~~~~~~~~~~~~~~

خلص ميلاد جرحي وخلص الليل
اوبده فجر النهار اتشوفه عيني
اوطفت شمعتنه سكته والشمع ذاب
اوغفه جرحي اوبده يحسب اسنيني
اوبقيت الوحدي ادورك وين موجود

~~~~~~~~~~~~~~~~~~~

شيرجّع عشكَنا وكل سهر الايام
لأيام العشكَ يادنيا رجعوني
ماندمان أكَلك بس احس بالروح
نار وبية رايد بس تطفوني
واذا يرجع بعد بية الزمان ردود
... ما اختار احبه ولا تخيروني
احبابي مشوا ومابقت بس آلام
اجت احلامي بيهم وهمه ماجوني