ابوذيات

ابوذيات

: يعراق عكبك جذب ما يحله عدنه وطن
هامات عن هامتك ماعلن كلهن وطن
شماحمه صوت القصف الوطن بذنه وطن
منعوف كاعك شبر ونهاجرك ناسفه
انكله رد هلوطن جن مابقت ناسفه
عبوة انت واني سلك من ننجمع ننسفه
شنخلي من ننفجر بينه احنه شكم طن وطن

2: واوحي بالضماير ردت يوعان
طحت ماشفت منهم كام يوعان
بدية وكلت اخوي الجان يوعان
مسح حلكه بقميصي وعض ادية

3: وانا لمايوم وياك خله خليت
شجاك وبالظهر سجين خليت
شعندي وشبعد ياترف خليت
صفه حتى البدي هموش اليه

4: واريد الزم خديدك واشتمنه
واريد العن ابيك واشتمنه
تدري شراد كلبي واشتمنه
على صدرك ايموت وهاي هي

5: ان بحبك ابد مايوم غشيت
وعن كل البنات النظر غشيت
كعدت يمه وعليه بسكوت غشيت
وكف صاح المدرس غش عليه

6: غرف رمان بخدوده غرف تين
وياريت اغرفلي من حسنه غرفتين
داجر مشتمل كلبي غرفتين
والايجار بوسه بكل مسيه

7: كتاب من السما نازل شهد بيك
و مو دم يسري بعروكي شهد بيك
شبكته وكال هدني شهد بيك
اذا لسه الشهد لازك بديه

8: محبوبي بوسط كلبي ترك تل
واذا اهلك ما انطوك ترى اكتل
واحط روحي بوسط تاير تركتل
واخلي الناس تتفرج عليه