ابو ذيه

ابو ذيه

وثيقه بكل فخر كلبي وثقلك
جبل ماشفت بخلاقك وثقلك
الك يرخص دمع عيني وثقلك
الكلب لمن يدك يوكع بديه




رسم من دمع عيني وردلك
واكطع من ورد كلبي وردلك
اغيب شما اغيب تالي اردلك
لان انت الوحيد وغالي علية





سهم كلبي بغيابك لاحة رامي
واشوفك لا حلالي لا حرامي
تكلي مو حرامي لا حرامي
بسطح كلبي لكوك تبوك بية





وحك طيب الزرعته وما لحك بيك
احس كل بشر غيري ماله حك بيك
الكلب ملهوف يركض مالحك بيك
ورغم بعدك قريب انت عليه





جميل انت جمالك حيــــل ... زاهي
وعجيبة الوكت بس وياك ... زاهي
اخذ كلبك اغسلة وهـــاك ... زاهي
واجلفة بسيم حتى يحن علية




بوح بداي لحبابــــــي ... وضمداي
وكلساع اكتسب علـه ... وضمداي
بجرحي ما نفع شدي ... وضمداي
مسودن شكك هدومي عليه





انا بجفي وتد وبالكاع دكيت
ولادكه النذل بالناس دكيت
بعدني ماطحت وانت طبول دكيت
شد وصله بعد واركص علي




حبيبي اغيابه كلش دمراني
الحلك جكليت يمكن دمه راني
اطبكت شفتي اعله شفته دمراني
عسل حلقوم شو تاهت عليه





انشالله يعجبنكم