مو كلش حلو

مو كلش حلو بس كلش اهواك
و حتى الكلش بحقك قليلة
عبلة تخزي جانت
تعرف بهاي و يجذب كلمن يكلك جميلة
عنتر غشم عندة و ماكو نسوان
لذلك عندة جانت مستحيلة
عندي الغاية اكعد ساعة وياك
و اسمع صوتك و حيل انتشيلة
مهمة الغاية و لازم تصير
خلي تولي شتفيد الوسيلة
يطيح و هم اشيلة
و يرجع يطيح
اشيلة يطيح و ارجع هم اشيلة
هيج القلب لمن اوكف وياك
شوكك فرني جا بيش اندعيلة
يالشدت غرورك احلى ما بيك
و حسنك بالقلب مو بالضواهر
مثل الصدف مو حلو هواي
بس بداخلك شايل جواهر
تلكة انسان شكلاً طاهر هواي
و تحبة هواي الي تحب المضاهر
لاكن من الداخل فشلتاً ذاك
حرف الطاء ما بيه تلكة طاهر